دعت الفنانة اللبنانية إليسا متابعيها من خلال فيديو عبر حسابها الرسمي على منصة X وأنستغرام، إلى رؤية الفيلم بشكل شخصي قبل الدخول من خلال الوثائقي على حياتها الشخصية، وقالت فيه:
“في كتير منكم شاف تريلر الوثائقي، ومنكم سمع عنه وفي ناس ما شافتو ولا سمعت عنو أبداً، لهيك حبيت اليوم قبل ما ينزل و تفوتوا على بيتي وحياتي، حبيت أحكيكم شخصياً وأدعيكم”.
ومن خلال الفيديو الذي نشرته إليسا، يتبين أنها متحمسة جداً وتروج لـ عرض الفيلم الوثائقي “It’s Ok” الخاص بها، والمقرر طرحه غداً الخميس 25 يناير 2024 على منصة نتفلكس – Netflix.
وتابعت إليسا حديثها بقولها:
“أول مرة بعمول شي ما بيكون هدفي وصل حالي بأجمل صورة، هالمرة كان الهدف وصل صورتي كاملة، تجاربي كلا، وحقيقتي متل ما هيي بكلشي فيها حلو وبشع ومر، وهو كان من أصعب شي عملتو بحياتي المهنية لهلأ، لأنو من خلاله كنت عم واجه حالي وعم أحكي أشياء ما كنت مفكرة ولا مرة أحكي فيها عالعلن”.
وفي الختام قالت: “ما بدي أحرقلكون شي بس حبيت أحكيكون بطريقة مباشرة، وهذا الوثائقي لكل حدا بيحبني وناطر أخباري ولكل حدا ما بيحبني ورح يحبني شوي من خلاله وفي ناس مارح يحبوني أبداً.”
