أكد الفنان محمود العسيلي، أن تراجع مطربي المهرجانات مؤخرا، سببه الرئيسي هو تغير الموضة أو الترند ناحية “التراب”، وذلك في حواره ببرنامج “حبر سري“، مع الإعلامية أسما إبراهيم، على قناة القاهرة والناس، مساء أمس الخميس
وأوضح العسيلي أن “المهرجانات كانت موضة، والترند بيتغير مع الوقت، وجت لهم فترة كانوا الحاجة المناسبة للذوق العام، ودلوقتي اختفوا شوية عشان مش بيجددوا، وبقى التراب هو الترند ومكسر الدنيا”.
وأشار إلى أن “عصام صاصا واحد من أكثر المطربين استماعا على جميع المنصات، وهو الأكثر استماعا في كل المنصات واليوتيوب من الجميع في الوطن العربي، وبحسب إحصائيات شركة “يوتيوب”، فإن عصام صاصا هو الأكثر استماعا في الوطن العربي، بأكثر من 100 مليون مشاهدة شهريا”.
وتابع أن “التراب هو الأكثر استماعا مع الجيل الصغير الآن، وسيأتي وقت عليه وسيختفي، لأنه مبني على موضة غير ناس قليلة عندهم شكل ثابت ويطوروا”.
وأضاف أن “حمو بيكا وعمر كمال وشاكوش موجودين، ونجاحهم كان كبير، ودلوقتي بينجحوا في حاجات وحاجات لا، ومش بقوا زي الأول وبيبقى ظواهر، والشاطر هو اللي يتحول، ميبقاش ظاهرة، ويكون له شكل خاص به، ويكون فنان له لون وشكل، بس معظم مطربي المهرجانات مش بيعملوا كده”.
في ختام حواره، دعا العسيلي مطربي المهرجانات إلى التجديد والتطوير، حتى يستمروا في النجاح، وقال: “مطربي المهرجانات لو عايزين يستمروا في النجاح، لازم يجددوا، ويطوروا، ويقدموا حاجة جديدة، غير المهرجانات اللي إحنا عارفينها”.